Nappane-planane får grønt lys

? Kva i alle verda er me me balar med? Det var spørsmålet eg stillte meg då eg var ute på Nppane og gjekk i terrenget tysdag kveld, sa utvalsleiar Kjartan Nyhammer (Sp). Han sa at han hadde store problem med å godkjenna 200 feriehus i ei lita bygd som Nappane er. Nyhammer hadde også vanskar med valet av den funkisliknande byggjestilen.
? Kven sine interesser er det me prøver å ivareta? Dei som bur i bygda, dei som vil ha hytte der eller utbyggjaren sine interesser? spurde Nyhammer. Han gjorde det og klart at han hadde vore fråverande fleire gonger saka hadde vore oppe i utvalet tidlegare.
Ved avrøysta fekk han berre støtte frå Anne Lise Warberg (SV) i å avvisa planane. Det klare fleirtalet på seks støtta rådmannen og tilrådde reguleringsplanen.
Tilrådinga seier at det skal utarbeidast ein utbyggingsavtale mellom utbyggjar og kommunen før utbygginga kan starta opp. Plansjef Lars Johan Haukås antyda at den truleg vil innehalda ein sum frå utbyggjar til utbetring av den dårlege kommunevegen, kanskje kring 1,5 millionar kroner. Kommunen har sjølv kalkulert ei vegopprusting til åtte millionar kroner, inkludert nytt dekke.
Kommunevegen skal opprustast med møteplassar før bruksløyve på hyttene kan gjevast, heiter det i tilrådinga. Reguleringsplanen må endeleg godkjennast av kommunestyret til hausten. Kommunen kan og frå innvendingar frå Fylkesmannen mot utbygginga.