Navarsete til Nordhordland

Også statssekretær Anita Utseth frå Olje- og energidepartementet kjem til konferansen.
? Eit mål er å få sett samferdsle og næringsutvikling på dagsordenen. Dette vert og ein god sjans til å få presentert vegsaker i denne regionen overfor statsråden, seier industrilagsleiar Svein M. Nordvik.
Han meiner det er veldig viktig å få fram kor viktig gode kommunikasjonar og næringsutvikling er. I og med at ein er i full gang med drøftingar rundt transportanalysen for bergensregionen, er denne konferansen midt i blinken, meiner industrilagsleiaren.
Blant andre innleiarar på konferansen er fylkesordførar i Hordaland Torill Selsvold Nyborg, fylkesordførar i Sogn- og Fjordane Nils R. Sandal og direktør Einar Strømsvåg i Statoil.
? Hovudmålgruppa for konferansen er politikarar, folk frå kompetansemiljø som høgskular og universitetet og sjølvsagt næringslivet. Men alle som vil kan melda seg på, fortel Nordvik.
Invitasjon vert sendt ut seinare. Nordvik reknar med at det kjem rundt 500 menneske til konferansen.