Nei til bom på Radøy

Det bør innførast nye bompengar for å realisera vegprosjekt rundt i regionen, meiner eit klart fleirtal i representantskapen i Regionrådet. Då saka kom opp i dag, fredag, sa tolv av 19 ja til dette.
Mindretalet støtta eir framlegg frå dei tre representantane frå Meland pluss Bjørn Arne Aaakvaag (Frp) frå Lindås og Per Opsahl (Demokratane) frå Fedje, som sa at ein først skal søkja om å innføra bompengar når Nyborgtunnelen har kome inn i Nasjonal Transportplan. Det håpa dei skal skje for perioden 2010 - 2019. John Bauge (H) og Tore Martin Hamre (Frp) frå Radøy røysta og for dette.

Ikkje bom
Då dette framlegget var nedstemt, røysta representantskapen på eventuelle tilleggspunkt som skulle koma til styret sitt framlegg. Her hadde John Bauge (H) frå Radøy framlegg om at vilkåret om bom på Radøy skulle takast ut, og det vart samrøystes vedteke. Det inneber at også dei fem frå Lindås gjekk inn for dette.

Opp til Lindås
No skal tilrådinga frå representantskapen ut til kommunestyra, og det spennande vert å sjå kva  som skjer i kommuenstyret i Lindås 14. juni. Det var krav derifrå som gjorde at v ilkåpet om bom på Radøy kom opp. Seier kommunestyret i Lindås nei til bompengesøknaden, kan det vidare arbeidet med Nordhordlandspakken truleg leggjast bort, i alle fall i denne omgang.