Nei til storkommune

Prosjektet for kommunestrukturering var ei av dei mest omfattande sakene som stod på sakslista onsdag. Regionsstrukturen har stått på sakslista fleire gonger og fleirtalet av representantane gjekk inn for å avslutta prosjektet. I alt 23 representantar stemte for å vedtaket om å avslutta prosjektet om framtidig kommunestruktur, medan fire stemte for å halda fram med prosjektet.
Diskusjonen før den endelege avstemninga var lang og mange nytta sjansen til å kommentera alternativa til vedtak.

? Må avsluttast
Helge Bauge frå Arbeidarpartiet var førstemann på talarstolen.
? Arbeiderpartiet meiner at prosjektet no må avsluttast. Me ønskjer at Meland kommune skal halda fram som eigen kommune, men vil presisera at me framleis  er interesserte i eit fokus på interkommunalt samarbeid.
Dag Erik Hagesæter frå Frp var ikkje like interressert i å avslutta prosjektet. ? Denne debatten handlar ikkje om kor vidt me er for eller mot ein storkommune. Det me diskuterer i dag er om me framleis ønskjer å samla inn kunnskap og erfaring til ein eventuell debatt om kommunesamanslåing. Eg meiner at me ikkje kan avfeia prosjektet utan å høyra kva folket vil. Difor vil eg gå inn for eit vedtak om å halda folkeavstemning ved neste val, sa han
Fleire av representantane var ueinige om kva oppfatning innbyggjarane i kommunen har om saka. Både Ingrunn Skurtveit frå Krf og Bauge frå Ap meinte at steminga på folkemøta var klar tale om at innbyggjarane ikkje ønskjer ei kommunesamanslåing. Hagesæter var ikkje samd.

Har oppnådd mykje
Arnold Tveit frå Senterpartiet var negativ til å halda fram med prosjektet.
 ? Eg meiner at Meland på mange måtar har vore ein pådrivar for interkommunalt samarbeid, men kommunen har også evna å velja eigne løysingar når dette har passa seg slik. Eg meiner at kommunen til ei kvar tid må gjera det som gjev best tenester for innbyggjarane, sa han.
Tveit trekte mellom anna fram den desentaliserte skulesystemet, pleie og omsorgstenesta og lavterskeltilboda som døme på dette.

Vil ha klarlagt
regionstruktur
Ragnar Bratland frå Høgre trekte fram fleire poeng som talar for ein storkommune.
Bratland peika på at ein eventuell storkommune kan fungera meir effektivt og auka kompetansen.
 ? I dag må me leiga inn kompetanse, spesielt i byggjesaker. Eg trur dette vil vera lettare dersom me hadde hatt ein storkommune.
Trass i dette stemte også Høgre for å avslutta prosjektet.
 ? Me bør framleis driva interkommunalt samarbeid, men slik stoda er i dag manglar det fleire vitige premiss. Me vil setja sluttstrek no. Spørsmålet bør heller takast opp att når regionstruktur og oppgåvestruktur er klarlagt, sa han