Ni lokale «hekser» på Håkonshaugen

Etter audition på Seim, i Bergen og i Oslo, er det no plukka ut 28 personar til Which Witch-ensemblet. Det betyr ei fin blanding av nordhordlendingar, bergensarar og folk frå resten av landet. Her er folk frå Trondheim, Oslo og Austlandet elles og frå Vestlandet. Ein av deltakarane har adresse i Liverpool.
? Eg er ikkje i tvil om at me skulle klart å fylt ensemblet med lokale utøvarar, men ein kan ikkje venta at det passar for alle å binda seg til roller som dette nett no, seier regissør Leif-Egil Vatnøy.

Fleire roller kvar
Han fortel at medlemene i ensemblet skal ha fire-fem ulike smårollar kvar, og at dei gjennom musikalen vil dukka opp som alt frå koristar til munkar, fangevaktarar og pavar.
? Dei skal syngja og vera aktive heile tida, så det er ikkje nokon statistroller me snakkar om, presiserer han. Han fortel at rollefordelinga så langt ikkje er endeleg bestemt. Rollene må nemleg fordelast nøye etter om vedkomande er flink både å syngja og dansa, eller berre ein av delane, forklarer han.

Frå engelsk til nynorsk
Om andre bitar som skal på plass før første prøven 2. juli, fortel Vatnøy at han nett no arbeider med å tilpassa den nynorske teksten til melodien slik at trykket kjem på rett plass og at talet på stavingar stemmer.
? Musikalen er opphaveleg på engelsk, men vart omskriven til nynorsk av Eirik Ingebrigtsen frå Os, forklarer den oppglødde regissøren.

Stødige solistar
På rollelista elles finn ein, forutan vår eiga Linda Fosse i rolla som «Anna Regina», følgjande solistar: Elisabeth Moberg, Rein Alexander, Åge Sten Nilsen (WigWam), Jorunn Torsheim, Bjørn Jensen, Ståle Ytterli, Magne Fremmerlid (den djupaste bassen som var å oppdriva og som bruker storleik 48 i sko), Charlotte Fongen. Dei to sistnemnde er solistar ved operaen i Oslo. Siste solisten på plass var Elisabeth Moberg i rolla som «Giulia».

Billettsalet i gang
Billettsalet starta torsdag som var og Linda Fosse seier at det har starta bra. Interessa så langt har vore størst for premieren 2. august og nokre av dei siste framsyningane.
Det skal i alt vera ni framsyningar, og målet er å selja tusen billettar til kvar førestilling. Dei fleste førestillingane startar klokka 22.00 om kvelden og varer i to og ein halv time. Billettane vert selde på Billettservice, på Posten og på Internett.

Dei lokale deltakarane i ensemblet:
1.    Tor Halvor Halvorsen, Lindås
2.    Preben Hodneland, Lindås
3.    Idar Løvlid, Lindås
4.    Henning Sudmann, Meland
5.    Gro Sandnes, Gulen
6.    Marit Drivenes, Radøy
7.    Hanne Vatnøy, Lindås
8.    Ann Christin Hoen, Radøy
9.    Lydia Hoen Tjore, Radøy

Dei andre deltakarane:
1.    Chris Lund, Bergen
2.    Aleksander Christiansen, Bergen
3.    Knut Gjell Angell, Oslo
4.    Alf-Inge Elvegård Selstad, Oslo
5.    Hugo Lauritz Jensen, Fjellstrand
6.    Vigleik Lie, Voss
7.    Bjørn Tore Henriksen, Valestrandfossen
8.    Arild Hjelvik, Bruvik
9.    Torstein Hatlevik, Uggdal
10.    Gudrun Elisabeth Bløndalen, Skien
11.    Heidi Løkken, Liverpool
12.    Gina Sandberg, Oslo
13.    Mai Julie Wikland, Trondheim
14.    Camilla Wiik, Røyse
15.    Marianne Lønstad, Bergen
16.    Heidi Lambach, Hjellestad
17.    Regine Forthun, Hordvik
18.    Julie Hall, Gjøvik
19.    Silje-Marie Norderheug, Oslo