Nøttveit kunne smila

Sjetteplassen i helga skuldast at løpet for hans del var over kort etter start, ein konkurrert kom hoppande inn frå sida og kjørte Nøttveit rett av bana.
? Hadde det stått om NM-gullet ville eg nok ha levert ein protest. Men eg visste alt før finalen at NM-sigeren var min, seier Ole-Kristian Nøttveit (32).
Dei næraste konkurrentane hadde ikkje kvalifisert seg til finaleplass, og dermed var radværingen sikra gullet uansett korleis det skulle gå.

Takkar kommunen
Så mykje feiring har det ikkje vorte enno, ettersom sjølve premieutdelinga først finn stad seinare i haust under ei tilstelling i Oslo. Men vel heime på Radøy i går fekk Nøttveit ei helsing frå kulturstyret i kommunen: Blomar og ein gåvesjekk på 5000 kroner.
- Det set eg stor pris på, det er flott at dei bryr seg om oss, seier Nøttveit.
Bilsportmiljøet på Manger er stort, med Nøttveit som den som har hevda seg aller best bak rattet.
Med seg som mekanikarar har han Joar Morken og Eirik Vetås, og han har også god støtte frå firmaet han arbeider i, Sotra-verksemda AGR.
? NM-gullet er ein teamseier, seier Nøttveit.

Vestlandsmesterskapet
Når Mazdaen er klar etter samanstøyten på Melhus ventar nye utfordringar, komande helg er det finalerunde i bakkeløpscupen Fjord Line cup og nest siste runde i Vestlandsmesterskapet. Begge løpa går på Vikedal, med bakkeløp laurdag og rallycross søndag.
? I bakkeløpscupen ligg eg på ein tredjeplass, og vonar at eg kan kjøra meg opp til ein andreplass der.
I Vestlandsmesterskapet er radværingen berre eitt poeng bak førsteplassen når to rundar står att, så der kjører han for gull.
? Eg kjører for å vinna i Vestlandsmesterskapet, må satsa litt der sidan det er pengepremiar.
Den siste runden i mesterskapet skal kjørast i Bergen, den runden går på Eikås laurdag 15. oktober.

Vurderer større bil
Nøttveit vurderer no å selja sin RX7 og gå opp ein klasse. Også då ynskjer han å kjøra Mazda RX7, men når motoren skal endrast frå ein wankelmotor med to kammer til ein wankelmotor til tre kammer kan ein like gjerne skifta ut heile bilen.
? Skiftar eg motoren må eg også skifta ut bakaksling og girkasse, seier Nøttveit, som heller vil selja heile dagens bil og byggja opp ein ny.
? Men dette vert det berre noko av dersom eg får selt dagens bil til rett pris, seier han.
Nokre har alt meldt si interesse, men utan at det er konkret så langt. Og uansett bilbytte eller ikkje er Nøttveit klar for ein ny sesong.
? Eg kjører neste sesong uansett, seier han.

Ulvatn nummer tolv
Også Jan Tore Ulvatn deltok i runden på Melhus, han kjører som Nøttveit for NAF Motorsport Nordhordland. Ulvatn vart nummer tolv i klassen for supernasjonal inntil 1600 kubikk, der han konkurrerer med ein Peugeot 206.
? Bilen hans fungerer greit no, men han må ha ein annan girkasse. I dag er det ein standard girkasse i bilen, og Ulvatn ventar på ein annan som er bestilt, seier klubbkollega Nøttveit. Jan Tore Ulvatn skal vera med i Vikedal til helga. Der stiller derimot ikkje Kjetil Møn, som kjører i same klasse som Nøttveit. Møn er er berre fem poeng bak førsteplassen, men han har selt sin BMW M3. ? Møn har bestilt ein Peugeuot 206, som skal vera klar til neste sesong. Den får ein tilitersmotor og bakhjulsdrift, medan Ulvatn sin 206 har framhjulsdrift og 1600-motor, seier Ole-Kristian Nøttveit.