Nøttveit utan poeng

RADØY: Rallycrossførar Ole Kristian Nøttveit frå Radøy klarte ikkje finaleplass under EM-runden i rallycross i helga. Runden gjekk på PS Racing center i Greinbach, Austerrike.? Eg måtte bryta den andre innleiande runden, etter at noko rauk i differensialen, seier Ole Kristian Nøttveit.Dei fekk bilen klar att til tredje innleiande runde, men resultata frå første og tredje runde var ikkje nok til å gje radværingen finaleplass.? Eg mangla to poeng for å koma til finalen, seier han.? Det var ingenting som fungerte, korkje eg eller bilen. Eg likte meg ikkje på bana, og me sleit med å finna det rette oppsettet for bilen.I går var Nøttveit og teamet på veg heimover, og då Strilen snakka med han var dei like ved Hamburg. ? Eg satsar på å ta det att i runden i Sverige om tre veker, seier Ole Kristian Nøttveit.Etter at det ikkje vart finaleplass i Austerrike, vart Nøttveit ståande utan poeng for første gong på dei fire rundane som er kjørt så langt. Nøttveit er no på ein 15. plass i EM-samandraget.