Ny leiteaksjon frå tysdag klokka 12.00

−    Om mannen ikkje er funnen, kan frivillige møta opp på Manger-kaien tysdag både klokka 12.00 og 17.00. Politiet vil organisera dei som kjem på beste måte, seier Radøy-lensmann Kjell Idar Vangberg til Strilen måndag ved 13.00-tida.
−    Vangberg reknar også med at folk frå Røde Kors Hjelpekorps vil delta i leitinga saman med lokalt politi. I går kunne Radøy-lensmannen slå fast at all leiting i helga hadde vore resultatlaus. Leiting med hundar på Bognøy, like vest for staden der båten vart funnen, vart avslutta ved 23.00-tida søndag kveld, fekk Strilen opplyst av Hordaland Politidistrikt sin operasjonsleiar.
−    Etter omfattande leiting både på sjø og land, seier Vangberg at politiet går ut frå at mannen har drukna.