Ny skule kan kosta 117 millionar

– Administrasjonen har tilrådd at Lange­nes Bygg vert vald som hovudentreprenør, seier saksbehandlar Terje Fauske, som har levert frå seg saka til politisk behandling.

Av seks inviterte firma var det tre som valde å levera anbod

– Eitt av anboda er forkasta, slik at me står att med to aktuelle hovudentreprenørar. Klagefrist i høve til valet av entreprenør er 15. november, opplyser Fauske.

Skytebane?

Slik skulen vert utforma, vil kjellaretasjen opna for ei innan­dørs skytebane, har Seim Skyt­tarlag peika på.

I kommunestyret vart utfallet at det vert bede om pris på dette frå dei som leverer anbod.Politikarane vil i neste runde vurdera om kommunen har råd til dette.

Med tilbodet frå Langenes Bygg vert prislappen for ei skytebane 6,8 millionar kroner i tillegg. Representantar for Seim Skyttarlag har vore med i innspurten med planane og uttalt seg om korleis ei skytebane kan utformast.

Sjølve skulen utan skytebane vil etter Langenes Bygg sitt anbod koma på 92 millionar kroner. Då er med to millionar riving av den gamle skulen og kring ein million til kunstgrasbana, som skulle førast på den nye skulen.Seier politikarane ja til skyte­bane, kan kommunen rekna med 700.000 kroner i spelemidlar.

Vegutbetring eit vilkår

Seinast i september godkjende kommunestyret ein reguleringsplan for vegutbetring og fortau. Den påverkar i høg grad også prislappen for skulen. Planen omfattar ei omfattande omlegging av 400 meter av fylkesveg 402. Fylkesvegen vil her koma fire meter nærare elva enn i dag. I planen er og lagt inn 1,3 kilo­meter fortau.

Rådmannen viser til at det ikkje av avklart om Lindås forskotterer dette arbeidet og sein­are får pengane att frå fylkes­kommunen. «I den grad kom­munen må dekka denne kost­­nad­en, vil det vera ei kommunal driftsutgift og kan ikkje lånefinansierast», påpeikar råd­man­­nen. Han signaliserer at poli­tik­ar­ane kanskje må ta ein ny disku­sjon om vegutbetringa, som administrasjonen anslår vil koma på 18 millionar.

I sjølve skuleprosjektet er nemleg med ny avkøyrsle frå skulen til fylkesvegen, eit anlegg som vil kosta kring 5,5 millionar kroner. Rådmannen gjer og merk­sam på at nyeskulen «ikkje utløyser særleg større trafikk til skulen».

Det er Statens Vegvesen som gjer krav om vegutbetring og fortau.

– Difor har eg bede om å få eit møte med vegvesenet og fylkes­kom­munen for å drøfta ei moge­leg forskotering av summen på 18 millionar, slik at kommunen får desse pengane att seinare, seier ordførar Astrid Aarhus Byrknes til Strilen.