Ny uvisse kring CO2-satsinga på Mongstad

– Me må berre avventa situasjonen. Inntil vidare held me oss til avtalen med Aker Clean Carbon, som seier at testinga med amin-taknologi skal starta opp i februar, seier TCM sin informasjonsleiar Vegar Stokset til Strilen fredag.

Same dag kom «bomba» om at Kjell Inge Røkke og Aker gjev opp satsinga på å reinsa CO2, omtalt i Dagens Næringsliv.

Aker Solutions har skrive ned verdien av prestisjeselskapet Aker Clean Carbon til null. Det er selskapet som slapp til med eit anlegg for uttesting av sin teknologi på Mongstad. Anlegget har kosta 300 millionar ekstra, og tredelen av dette måtte dekkast av Røkke sitt børsnoterte selskap Aker.

– Det er viktig å vera merksam på at TCM eig alle anlegga på Mongstad, og våre folk kan i stor grad gjennomføra den planlagte uttestinga av dei ulike teknologiane, seier Stokset.

Les meir i Strilen si papiravis laurdag.