Nye krav til Austrheim-kyrkja

Tilsynet er utført av den interkommunale brannførebyggjande avdelinga i Nordhord-land og Gulen, NGIB. Dei påpeikar og at det må monterast leielys over alle utgangar og i rømmingsvegar. Døra til sakristiet må også snuast, slik at denne følgjer rømmingsretninga, påpeikar tilsynet.

Tilbakemelding
NGIB etterlyser også tilbakemelding på merknader etter tidlegare tilsyn.
? Me har i tidlegare rapportar bede om ei brannteknisk vurdering av kyrkja, mellom anna for å få vurdert sikringstiltak om rømmingsforholda i kyrkja, samt tilrådd tiltak for å betra tryggleiken. Me har ikkje nådd fram med denne bodskapen, og lyt difor mellombels som eit minimum setja krav om desse tiltaka, skriv NGIB i rapporten.
Avdelingsleiar Kjell Reigstad i NGIB seier til Strilen at dei ikkje har mynde til å påleggja eigaren å gjera noko med tilhøva, men greier ut saka og sender ho over til brannsjefen i Austrheim kommune. Det vert så opp til han kva han gjer vidare med saka.

Dokumentasjon
Reigstad seier alles at mange av kyrkjene i regionen sjølvsagt ikkje held same standar når det gjeld branntryggleik som moderne bygg, men at det vert arbeidd med å oppgradera branntryggleiken.
? Lindås er den kommunen som har kome lengst med dette arbeidet. Der vart det for ei god tid sidan leigd inn ein konsulent, og dei har også kome i gang med oppgraderinga, seier Reigstad.
Tilsynet tidlegare i år avdekka også at det mangla ein del dokumentasjon ved Austrheim kyrkje. I høve ei forskrift skal bygget ha tilgjengeleg dokumentasjon som viser at kyrkja er trygg i høve dei aktivitetane som føregår der. Slik dokumentasjon er totalt fråverande ved bygget, heiter det i rapporten.