Nye overgangar kan få lysregulering

I løpet av året kan reisande mellom Nordhordland og Bergen får tre nye lysregulerte fotgjengarovergangar å irritera seg over på E 39 mellom Vågsbotn og Haukås. Statens vegvesen planlegg å laga slike fotgjengarovergangar ved Hjelles Bakeri i Vågsbotn og to overgangar mellom Bruås og Shell-stasjonen på Haukås.

Trafikksikring
? Grunnen til at me ønskjer å gjera desse overgangane lysregulerte, er for å gjera dei tryggare for fotgjengarane, seier senioringeniør Trond Karlsen til Strilen.
Lysreguleringa skal vera slik som på den eksisterande overgangen på Vikaleitet. Det inneber at lyset berre vil vera raudt for passerande bilar når gåande trykkjer på knappen.

Godkjennast
? Det er ikkje avgjort at overgangane vert lysregulerte. Først skal både kommunen og politiet uttala seg, seier Karlsen.
Viss dei gjev klarsignal, skal arbeidet ut på anbod, og Karlsen trur ikkje lysreguleringa vil vera på plass før ved slutten av året.
Det må også byggjast litt nytt fortau i samband med reguleringa.

Styra
? På Haukås vil me styra fotgjengarane til dei lysregulerte felta, seier Haukås.
Det er ikkje rekna på kor mykje lysfelta vil seinka dei køyrande.
? Det er sjølvsagt avhengig av kor mange fotgjengarar som brukar dei, seier Karlsen.
Han reknar med at talet på gåande i dei nye overgangane er om lag som på det eksisterande feltet på Vikaleitet.

Med drosje
Ein innringjar fortel at skuleborna no vert frakta til Haukås skule med drosje fordi trafikktilhøva er så farlege. Han seier og at det har vore ulukker i fotgjengarfelta der, men det kjenner Karlsen ikkje noko til.