Nynorsk-rock frå Dalsøyra

– Som oftast er det bror min Torbjørn som har idear til nye låtar, og så jobbar me vidare med dei i gruppa, fortel Hallvard Mostrøm til Strilen.

Hallvard er vokalist i gruppa Ferdarhag, som nyleg la ut singlane «Elvis» og «Is og eld» på blant anna YouTube og Spotify.

Mostrøm-brørne er oppvaksne på Dalsøyra, men no bur Torbjørn i Bergen og Hallvard i Oslo.

På nynorsk

Gruppa lagar både tekstar og melodiane sjølve, og tekstane er på nynorsk.

Gruppa har eksistert sidan nyttår, og felles for alle medlemene er at dei har gått på Kongshaug musikkgymnas i Os.

– Men på litt ulike tidspunkt. Tre av oss gjekk der på same tid, fortel Hallvard.

Tekstane er på nynorsk, og Hallvard vil kalla musikken skikkeleg rock.

Det litt spesielle gruppenamnet har dei henta frå eit dikt av Nynorskens far, Ivar Aasen.

– Ferdarhag betyr det du har med deg i sekken når du er ute på reise.

Me likte både klangen i namnet og innhaldet, seier Hallvard.

Viss nokon skulle dra kjensel på namnet, var han med i «Idol» i TV2 i fjor haust, men forsvann ganske tidleg.

Bergensdebut denne veka

Torsdag kveld fekk gruppa sin debut i Bergen. Då spelte dei på Kvarteret.

Framover vil bandet konsentrera seg om å laga nye melodiar til nye opptredenar.

– Me er eit typisk live-band, seier Hallvard.

Til no har bandet mest øvt i Oslo.