Nytt knall-resultat for Statoil Mongstad

? Me har hatt svært høg regulariet, med nær 100 prosent utnytting for fleire av anlegga. Dessutan har marginane ved sal av produkta periodevis vore rekordhøge. Dermed har også 2006 vorte eit godt år både driftsmessig og økonomisk, seier informasjonsleiar Kåre Ness.
Med bortimot full kapasitetsutnytting er kring 10 millionar tonn råolje behandla og levert som bensin og andre produkt frå Mongstad i løpet av fjoråret.
Ness er som vanleg avskoren frå å gje konkrete svar på Statoil Mongstad si økonomiske dift. Det lengste han går, er å stadfesta at resultatet er på linje med 2005, som også var eit svært godt år for raffineriet og resten av driftsområda på Mongstad.
Det media er informert om via ulike kjelder, er at resultatet på Mongstad kom opp i kring to milliardar kroner i 2005. Ut frå Ness sine kommentarar er resultatet på same nivå i 2006.
Ness seier at regulariteten på Mongstad truleg er den beste blant dei raffineria ein kan samanlikna seg med i Europa.
? Me har også bak oss eit godt år når det gjeld Helse/Miljø/ Sikkerheit. Det me er dårlege på, er energiutnytting. Og det er som kjent noko me vil retta opp når me får bygd eit krafvarmeverk, seier Kåre Ness.

Kan få Merkel på Besøk
Mongstad vil i løpet av 2007 få besøk av mange delegasjonar i samband med gasskraft og CO2-reinsing. Blant dei som kjem, er kanskje også forbundskansler Andrea Merkel.
? Det me kjenner til, er at det er stor interesse for CO2-reinsinga i Brussel, seier informasjonsleiar Kåre Ness. Han viser til at utsleppa av klimagassar som CO2 er eit høgaktuelt tema ikkje berre her i landet, men også innan EU.
Når det gjeld besøk av til dømes Andrea Merkel, kan Ness så langt berre halda seg til det han har fått med seg i media. VG-nett gjekk i desember ut med ei melding der statsminister Jens Stoltenberg var referert på at han vil ha Merkel til Mongstad.
? Eg vil ta ho med til Mongstad, og gjerne ut på ei plattform, sa Stoltenberg om gjenvisitten han vil invitera Merkel på. Statministeren besøkte den tyske statsminsteren i Berlin.
Merkel, som er kåra til verdas mektigaste kvinne, stillte seg i følgje Stoltenberg ikkje avvisande til eit Noregs-besøk.

Gass-start om ein månad
Statoil Mongstad planlegg å markera anleggsstart for gasskraftverket i løpet av den nærmaste månaden.
? Nokon dato er ikkje fastsett, men det kan verta alt i slutten av januar, opplyste Ness til Strilen torsdag ettermiddag.
Ness seier at selskapet har stor pågang frå media som vil ha informasjon om utbygginga. Difor er det under utarbeiding ei informasjonspakke som vert lagt fram ved markeringa av anleggsstarten.
? Me vil ha ei mindre markering av første spadestikket. Det som er avklart, er at Leif Solberg vert prosjektleiar, som han var ved Vestprosess-utbygginga. Han vil ha kontor både på Mongstad og i Stavanger, opplyser Ness. Når det gjeld kostnader, går Statoil førebels ikkje ut med andre tal enn at anlegget er kalkulert til kring fire milliardar kroner.Full krangel om telt
på Kvingo