Nytt steg mot torskeoppdrett

Tangen viser til at utsleppsløyva Fylkesmannen no har gjeve, er nødvendige for å få endeleg grønt lys i form av konsesjonar frå Fiskeridirektoratet.
? Om me kan starta opp i år, kjem an på kor raskt det kjem ei avklaring frå direktoratet. Slike søknader tek si tid. Blant anna er det gjennomført fleire undersøkingar av lokalitetane, opplyser Christian Tangen.
Utgangspunktet er at han og faren Idar vil vera hovudeigarar i Øyane Havbruk. Dei to driv no eit oppdrettsanlegg for regnbogeaure ved Osterøy.
På Fedje er det Grisholmsundet og Moldøyosen som ligg an til å få oppdrett av torsk. Utsleppsløyva for begge lokalitetane er på 780 tonn per år.
? Oppdrett krev nokså store investeringar. Får me grønt lys, vil me starta opp stegvis på ein av plassane, seier Tangen.
Han viser til at kunnskap og erfaringar med oppdrett av torsk er lagt mindre enn med laks og aure.
? Men prisane på torsk har vore stabile, så slik sett ser det lovande ut. Dei fleste i bransjen meiner at oppdrett av torsk har kome for å verta, seier Christian Tangen.
Lokaliteten Grisholsundet ligg mellom Austre Mågøy og Lyngholmen. Den andre lokaliteten ligg i Moldøyosen, grensande mot Fedjefjorden i aust. Djupna varierer begge stader mellom 17-18 og 33 meter.
Vert det gjeve løyve, kan det drivast oppdrett samstundes på begge lokalitetar.