Omkom i trafikkulukke

Det var på riksveg 57 på strekninga mellom Lindås-tunnelen og krysset på Vågseidet at det gjekk frykteleg gale for den 25 år gamle mannen natt til søndag.

Slengt ut
Bilen var på veg sørover frå Lindås då den gjekk i spinn og traff både autovern og fjellvegg.
? Sjåføren vart slengt ut av køyretyet og døydde truleg momentant. Det vart forsøkt oppliving utan at det nytta, seier lensmann Einar Vatne.

Passasjer
Ei 27 år gamal kvinne som var passasjer i bilen hadde setebelte på, og vart sittande igjen i bilen. Ho slapp frå ulukka utan alvorlege fysiske skadar, og kom heim frå sjukehus søndag, opplyser Vatne.

Kraftig samanstøyt
Ulukka vart meld til politiet klokka 01.00. Bilen ser ut til å først ha støytt i autovernet, før den har truffe fjellveggen. Nærare femti meter av autovernet har blitt rive opp med pælane, og havna i grøfta og oppe busker og tre etter det fatale samanstøytet.
? Skadane på rekkverket og køyretyet kan tyda på stor fart, men årsaka til ulukka må me koma tilbake til når me får svar på undersøkingane som er gjort på staden, seier Vatne.
Ingen andre bilar skal ha vore innblanda i ulukka.