Ønskjer tips etter innbrot

Dersom nokon har observert personar eller bilar i området kring den raude hytta, så  er lensmannskontoret interessert i å vita om dette.


Klage på ATV-kjøring
GULEN: Det er kome fleire klager på at mindreårige kjører rund på firhjulsmotorsyklar ulike stadar i Gulen.
? Me har fått opplysningar om at born og ungdom har kjørt rundt på vegane på motorsyklar med fire hjul, såkalla ATV-ar. Dette er ei sak me ser alvorleg på. Firhjulsmotorsyklar krev førarkort for motorsykkel. Det er ikkje eit leiketøy som passar for born og ungdom, opplyser Lensmann Henry Indrebø. Han oppfordrar foreldre om ikkje å la mindreårige køyra slike syklar. Lensmannen minner også om at det er ulovleg å bruka gokartliknande kjøretøy langs vegane.
? Det er ikkje lov med heimelaga gokartar på vegen. Gokartar kan berre brukast på eigne baner som er laga for dette formålet, seier  Indrebø og kovar at politiet kjem til å slå hardt ned på ulovleg bruk av slike kjøretøy.


Bra oppførsel i Skjerjehamn
GULEN: Det er ikkje meldt om uheldige episodar i samband med Utkantfestivalen i Skjerjehamn denne helga. ? Det var mykje folk og fin stemning. Alt gjekk etter planen. Det var nokre få personar som trengte rettleiing av politiet under dansen, men ingen alvorlege hendingar, får Strilen opplyst hjå Gulen lensmannskontor.

Promillekjørte med moped
AUSTRHEIM: Ein ungdom på moped vart stogga etter misstanke om promillekjøring natt til måndag. Mopedføraren vart observert i Kjelstraumen og vart henta inn av lovens lange arm i løpet av kvelden. ? Føraren kan venta seg eit oppgjer med politiet etter hendinga, opplyser politiførstebetjent Svein Fammestad ved Lindås og Meland lensmannskontor.

Gummibåtar på rek
RADØY:  Radøy lensmannskontor har fått inn melding om funn av to gummibåtar på rek i og etter helga, den eine med påhengsmotor. Rette vedkomande kan kontakta lensmannskontoret.