Opplagsauke for Strilen, Nh går tilbake

Strilen fekk ein opplagsframgang i 2006 på 43 til 5306, viser dei offisielle opplagstala som Mediebedriftenes Landsforbund gjorde  kjende i går.
Dette inneber at nedgangen dei siste seks åra er stansa. Rekneskapen viser og at Strilen i 2006 vil få ein pluss på nokre hundre tusen kroner.
? I ein knallhard avismarknad er det veldig gledeleg at me greier å få oppgang både i opplaget og pluss i rekneskapen, seier Tjore.

Positiv trend
? Me får mange positive tilbakemeldingar på avisa frå lesarane, og det er me veldig glade for, seier Tjore.
Han håpar at avisa no er inne i ein positiv trend og seglar i medvind, etter fleire år med tilbakegang.
Utviklinga så langt i år gjev grunnlag for å tru at det kan verta framgang i opplaget også i 2007.

Mange tilbake
2006 var gjennomgåande eit dårleg år opplagsmessig for avisene i Hordaland. Avisa Nordhordland gjekk tilbake med 155, som utgjer ein minus på 2,5 prosent, etter mange år med framgang. Men dei er framleis størst i Nordhordland med eit opplag på 6294.
Av avisene i Hordaland har Bygdanytt i Arna størst framgang med ein opplagsauke på 143. Strilen kjem på andreplass, medan Askøyværingen aukar med 33.
Alle dei andre avisene går tilbake. Bergensavisen har størst tilbakegang med 1177, medan Bergen Tidende har ein nedgang på 978 aviser.
Totalt har avisene i landet ein opplagsnedgang på over 70.000.