– Oppseiingar ikkje tema

– Oppseiingar er inga problemstilling her. Me er i gang med og skal ytterlegare redusera bemanninga, seier informajsonsleiar Jon Halstein Tjore til Strilen.
Han viser til at det er behov for mannskap andre stader i Statoil.
– Og når det gjeld leveran­dørane, er det heldigvis også bra etterspurnad andre stader i næringa. Reduksjonen skjer på ein måte der nødvendig kompetanse for å driva raffineriet på ein trygg og effektiv måte vert ivareteken, og der kvar enkelt medarbeidar vert teken godt hand om, seier Tjore.

Også kraft-tap
Kutta kjem som eit resultat av at oljeraffineriet på Mongstad gjekk med 4,8 milliardar kroner i underskot i fjor, som det går fram av rekneskap Monstad Refining har levert til Brønnøysundregistra.
Medan raffineriet nærmast var ei seddelpresse til for tre-fire år sidan, snudde marknaden frå 2008, og det har ført med seg nedskrivingar i milliard-klassen og store underskot.
I tillegg viser BT til at varmekraftverket har vorte ein klamp om foten for Statoil Mongstad. Danske Dong Energy driv kraftverket, men Mongstad Refining DA, som driv raffineriet, må ta mykje av risikoen. Det gjeld pris på gassen som driv kraftverket og prisen på varme tilbake til raffineriet og kraft ut på nettet.
Kraftverket går for tida for halv maskin. I fjor påførte drifta Statoil Mongstad nesten 400 millionar kroner i ekstra underskot.
 
Dårleg drift
–Mongstad Rifining gjekk med eit underskot på drifta på 1,6 milliardar i fjor. Dt er det dårlegate nokon sinne. I tillegg vart det tatt 3,1 milliardar i nye nedskrivingar, som vart varsla i 2011, seier Jon Halstein Tjore.
Han viser som før til at Statoil Mongstad jobbark ballhardt for på nå ei innsparing på 500 millionar kroner innan 2014.
– Innan same tid er målet å auka inntektene med 430 mil­lionar kroner. Men marknaden er tøff, sjølv om marginane er litt betre akkurat no. Prisane på drivstoffet varierer sterkt, og det raffineriet tener kan til dømes variera mellom 7 og 35 øre per liter, seier Tjore

Alle kuttar
Tjore viser til at overkapasitet på den europeikske raffineri­mark­nad­en gjer at alle i bransjen kuttar.
– Ingen vil vera den flørste til å stengja ned produksjonen, og ved Statoil Mongtstad er det ingen planar om nedstenging, seier Tjore.
Han held fast ved at fokus nummer ein er å forbetra drifta ved eiga hjelp.
– Dessutan ber me norske styresmakter om å få same konkurransevilkår som dei andre raffineria i Europa. I første omgang bed me om at dei i alle fall reverserer den årlege auken på over 100 millionar kroner me har fått i skattar dei siste åra, seier Tjore.