Ordknappen til Erna Osland

? Me var fleire forfattarar som har skrive bøker for folk med lese- og skrivevanskar eller andre som har vanskar med å lesa, som fekk utmerkinga Ordknappen, fortel Erna Osland til Strilen.
Utmerkinga, ein knapp i sølv, vart delt ut under ein seremoni i Oslo i førre veke.

Ønskjer barn
Osland fekk utmerkinga for boka «Du er vel vakker».
«Du er vel vakker» handlar om psykisk utviklingshemma Hanna, som forelskar seg i psykisk utviklingshemma Hermann.
Han ønskjer seg eit barn, men dei som passar på Hanna, tvilar på om ho og Hermann er i stand til å ta seg av eit barn.
? Eg fekk i oppdrag å skriva ei bok for vaksne psykisk utviklingshemma, men temaet valde eg sjølv, fortel Osland.

Vakker bok
Sjølv om temaet er vanskeleg, meiner Osland boka er varm og vakker. Ho er illustrert av kunstnaren Johanne Marie Hansen-Krone.
? Boka er lett å lesa, og eignar seg og for høgtlesing, seier Osland.
Sjølv om boka er skriven med tanke på ei bestemt lesargruppe, kan ho lesast av alle og er å få i vanlege bokhandlar.