Overvaka av barnevernet

? Eg får ikkje særleg mykje gjort om dagane, men eg får ta det att når ungane har forlate reiret, seier ho.
Det er oppi ei forlatt blomsterpotte på verandaen utanfor kontoret til Irmelin at måsemora har laga reir til ungane sine. Men sidan skrikande måsar på verandakanten er dagleg kost, har ikkje Irmelin merka seg noko spesielt før for tre veker sidan.
? Den dagen sat ho grådig lenge i potta og teva og sleva. Eg trudde ho haldt på å få heteslag eller noko slikt, så eg sette ut ei skål med vatn til ho, seier Irmelin. Først nokre dagar seinare forstod eg at ho dreiv og la egg, seier Irmelin. Først var Irmelin redd at egga hadde blitt hardkokte i varmen, men etter tre veker med iherdig ruging og dagleg omsorg både av faren og mora, såg ho ei sprekk i eine egget. Det var måndag morgon.
? Den første ungen vart klekt medan eg var på møte. Dei to neste kom tysdag morgon, seier ho stolt.