På hengande håret for Austrheim

? Det var ikkje så mykje å skryta av, kjem det med eit sukk frå veteran Atle Vaage etter at sigeren er i hamn.
Det kan han og resten av heimelaget trygt slå fast etter ein panisk kamp for å redda alle poenga. Til pause hadde Austrheim kontroll og det som såg ut som ei trygg leiing.
3-0 var fortent nok, ettersom Kvernbit var svært så tannlause i dei avsluttande trekka.
Alt etter tre minuttar hadde Karl Ludvig Daae slått an tonen med 1-0. Han skåra på eit gjennomspel frå Kjetil Haugland.
Terje Håland ordna 2-0 etter 17 minuttar på eit innlegg frå Kjartan Ervik.Vel midtvegs i omgangen hadde heimelaget inne eit mål som vart avblåst for offside. Ein ball i nota som høgst sannsynleg skulle vore godkjend, kom ikkje i protokollen avdi dommaren var for langt borte frå situasjonen. Men like før pause signerte Karl Ludvig Daae sin andre fulltreffar for dagen.

? Fint spelever!
? Me klarer jo ikkje å skapa ein einaste sjanse. Me må jobba meir og gje meir i duellane. Det er jo fint ver til å spela fotball i. Me må I alle høve ikkje reisa heimatt utan å ha prøvd, var meldinga frå tidlegare proff og Brann-.spelar Trond Egil Soltvedt i pausen.
Yngstemann på laget, 16 år gamle Stian Smelvær, var den einaste Soltvedt gav godkjend karakter for innsatsen.
Og Soltvedt og mannskapet gjekk på bana og gjorde eit heilhjarta forsøk, vel vitande om at Brann nyleg var nær ved å rota bort ei 3-0 leiing på Stadion.

Panikk
Gjestane heva både innsats og avslutningar på ein måte som overrumpla Austrheim. Etter kvart kom også reduseringane, 1-3 ved Frode Syslak etter seks-sju minuttar og 2-3 etter 13 minuttar ved Anders Mellingen.
Me har hatt litt«stang ut» denne sesongen, sukka av ein Kvernbit-iinnbyttarane. Frå benken måtte både han og dei andre fortvila over at Kvernbit spelte seg fram til fleire opne sjansar. Både Nils Jøssang og Trond Egil Soltvedt, som gjekk lenger fram på bana, hadde store sjansar. Eit pare skot slo i tverrleggjaren og ut, så innbyttar-benken kan ha rett i at det er «stang ut» for Kvernbit denne sesongen.
Austrheim fekk meir og meir panikk, men slapp med skrekken. Heilt i sluttsekunda går Anders Mellingen sitt skot frå kort hald over. Dermed kan Austrheim pusta letta ut og førebu seg til lokaoppgjer mot Eikanger komande helg.