På treningsleir julekvelden

? Reisetidspunktet er litt dumt. Men så lenge me får trena under slike forhold er det ingen som bryr seg om det, seier trenar Svein Hjelle.
Han tek med seg tre unge talent til Mas Palomas på øya vest for Afrika. Femten år gamle Emil Erstad skal trena for å verta endå raskare på mellomdistansane. Det same skal sytten år gamle Bjørn Inge Dyrkolbotn. Kim Gripsgård, også sytten år, satsar på 200, 400 og 800 meter.
? Det er kring 20 grader der no, og det er heilt perfekt, seier Hjelle.
På Gran Canaria vil dagane byrja med ei roleg treningsøkt klokka ni, gjerne med springing på sandstrand. Om ettermiddagen vert det ei ny økt, vekselsvis hard og lett annankvar dag. Slik skal dei unge talenta få skikkeleg trening også på ei årstid der forholda i Nordhordland ikkje er dei aller beste.
? Det er verkeleg flotte forhold der, seier Svein Hjelle, som tek med seg utøvarane heim 7. januar.