Passeleg happy for obligatorisk data

Nyordninga skal starta med førsteklassingane neste år.
? Det er ikkje så heitt tema her ute endå, men eg trur det kjem til å bli det når det går opp for elevane kva dette inneber, seier Pedersen.

Ikkje alle har råd
Pedersen fortel at elevane i dag brukar skulen sine datamaskiner til stiloppgåver og større prosjekt, og at det fungerer greitt. Difor ser han ikkje heilt kvifor kvar elev plutselig må stilla med eiga maskin.
? Det er slett ikkje alle som har råd til det, seier han. Han ser heller ikkje føre seg kor all informasjonen som dei til no har funne i skulebøkene, vil kunna finnast på nettet.
? Då må i så fall bøkene gjerast tilgjengelege på ein nettstad, seier han.

Vert fort avhenging
Pedersen likar heller ikkje tanken på å verta så datastyrt at snart ingenting kan gjerast utan data.
? Då blir det jo fort krise om straumen går og breibandet ikkje verkar. Stakkar den som jobba med innspurten på ei prosjektoppgåve då, seier han. Han ser også ein fare ved at innføring av data betyr meir individuelt arbeid, noko ikkje alle er like flinke til.
? Det vil alltid vera nokon som likar å gjera andre ting enn det dei skal, og desse kan lettare falla utanfor med ei slik ordning, avsluttar han.

Førebur seg
? Me kan ikkje akkurat seia me er klare me heller, men me gjer så godt me kan, seier rektor Magnus Kvingedal.
Han fortel at lærarane alt er i full gang med å førebu seg til den nye kvardagen gjennom læringsplattforma «It`s learning». På denne plattforma ser han for seg at både elevar og lærarar kan henta ut mykje av den informasjonen dei kjem til å ha behov for. I tillegg reknar han med at lærebokforlaga vil gjera fleire av bøkene tilgjengelege på nett, og at ein del informasjon elles må søkjast etter på ulike søkemotorar.
? Så bøkene forsvinn?
? Nei, dei blir berre tynnare slik eg har oppfatta det.
? Men med bøker i tillegg til pc må jo dette bli mykje dyrare for elevane?
? Nei, utgangspunktet er at ein pc kostar 7500 kroner, det vil seia 2500 kroner i året. Med nokre lærebøker i tillegg skal det ikkje overstiga det ein har måtta betalt før, seier Kvingedal.
Å få til eit trådlaust nett trur han skal gå heilt fint, men å få tak i nok lærarmaskiner kan bli ei utfordring. Det same blir å avgrensa elevane sin bruk av datamaskinene til det maskinene er tenkte til, nemleg skulearbeid. Det er me berre nøydde å få til å fungera, presiserer rektor Magnus Kvingedal.