Permitteringar på Byrknes

? Me skulle ha starta slakting av aure rett over nyttår, men på grunn av vanskane med sal av fersk fisk til Russland, har all slakting stansa, seier dagleg leiar Cato Birknes i fiskeslakteriet Marin E. Birkens Eftf. As til Strilen.

Det inneber at dei om lag 30 tilsette er permitterte ut veka.

Men i neste veke tek ein sikte på å starta opp slakting av laks, men då i redusert omfang i første omgang. Laksen er ikkje så avhengig av den russiske marknaden som auren.

? Problem med eksporten til Russland gjer det veldig vanskeleg å planleggja på litt sikt, seier Birknes.

Han håpar ein greier å koma fram til ei løysing i striden med dei russiske styresmaktene. Striden meiner han meir handlar om politikk enn tungmetall i norsk fisk, slik dei russiske styresmaktene hevdar.

Ved det andre lakseslakteriet i Gulen, i Instefjord, får Strilen opplyst at ein så langt ikkje har sendt ut varsel om permitteringar.