Radøy-rådmannen i ny jobb

Fotland startar 1. januar 2012 i ny jobb som rådmann i Lillehammer kommune.
Budsjettansvaret aukar frå kring 300 millionar til godt over milliarden, og folketalet i nyekommunen er med sine 26.640 meir enn det femdoble av Radøy.
– Det vert kjempespennande å ta til som rådmann i Lillehammer, seier Christian Fotland (44).
Formannskapet i Lillehammer kommune innstilte tysdag samrøystes på å tilsetja Fotland i jobben, det endelege vedtaket vert gjort av kommunestyret torsdag.
– No har eg akkurat vore fem år på Radøy, det er vel passeleg tid. Men det er litt trist å reisa frå ein offensiv kommune, som er i vekst, seier Fotland.
Noverande rådmann i Lillehammer pensjonerer seg ved nyttår, og Fotland tek til frå 1. januar. Dermed står han ut si tre månader lange oppseiingstid på den grøne øya.

Les meir i Strilen torsdag.