Radøy/Manger vidare i cupen

Christer Smith hadde to nettkjenningar, og vart dermed mannen som sikra at radværingane gjekk vidare. Men i første omgan spelte heimelaget dårleg, og gode redningar av målvakt Kristian Smith Hella heldt Radøy/Manger inne i kampen.

Svak første omgang
Heimelaget låg under med 0-1 til pause.
? Dei kunne fort ha fått fleire mål, men Kristian gjorde nokre flotte redningar, fortel trenar Terje Skjelvik.
Smith Hella redda eit par farlege skot, og redda også åleine med Follese-angriparar.
Skjevik seier Radøy/Manger gjorde det meste feil i første omgang. Det var strekk i laget, og dei tapte duellar. Men dette retta dei på i pausen.

Betre i andre omgang
Endringa gav raskt resultat, og heimelaget skapte mange sjansar. Eit skot i stonga og eit skot utanfor etter å ha runda Follese-målvakta, var to av desse. Christer Smith utlikna vel 20 minutt ut i omgangen. Eit par minutt seinare førte knallhard kjemping i ein duell med keeper frå Anders Dragøy si side, til at Christer Smith kunne setja ballen i ope mål . 2 ? 1.
? Denne siste var neste ferdigskåra, seier Skjelvik, som gjev honnør til Dragøy for innsatsen. Men han legg til at ein god målskårar gjerne plasserer seg der ballen kjem i slike situasjonar.

Vidare i cupen
Skjelvik fortel at det alltid er kjekt å delta i cupen, og dei treng og denne kamptreninga før seriestart. Dei er no vidare til andre kvalifiseringsrunde til cupen. Vinn dei og den kampen, går dei til 1. runde i cupen. Det lengste Radøy/Manger har kom ei cupen, er til 2. runde, der dei for eit par år sidan tapte heime mot Brann.