Rasar mot «Lørvika», Listveiten og Ytstebø

? Eg synest det er utruleg rart at dei i det heile har tenkt på å endra namnet frå Lervik til Lørvika, seier Nina Solbakken Lervik. Ho peikar på det gule skiltet som viser avstikkaren frå riksvegen mot Sletta. Det namnet har vore i bruk i lange tider.
? Skiltet var slitt, og i vår kom eit nytt med finare skrift på plass. Då trudde me det var endeleg bestemt at det skulle heita Lervik, seier Lervik. Både ho, mannen hennar og svigerfaren har sendt brev til kommunen med ønskje om at Lervik vert ståande. ? Me er absolutt ikkje nøgde med ei endring, og eg trur ærleg tala at det ikkje kjem til å verta brukt om det vert ei endring, seier Solbakken Lervik.
Og gardsnamna må få ein skrivemåte som brukarane opplever som fornuftig, det synest også rådmann Leif Taule.
Han legg også vekt på dagens bruk og uttale i den siste krangelen om skriving av namn på Radøy.
Denne gongen er de tre namn Statens namnekonsulentar har reist i samband med vegnamn. Konsulentane viser til at namna byggjar på gards- og bruksnamneformer som ikkje har vore behandla etter stadnamnlova.
Konsulentane gjer merksam på at det er Statens Kartverk som bestemmer skrivemåten til «naturnamn og bruksnamn som språkleg eller geografisk fell saman med nedervde stadnamn».
Grunneigarane har liten sans for dei nye innspela. «Lilletveit» er innarbeidd gjennom lang tid, og dei meiner dette er i tråd med munnleg uttale. Dei vil ikkje at namnet og dermed identiteten deira skal endrast til Listveiten, som er unaturleg for dei.
Like uforståande er dei som har nytta «Lervik» i over 100 år. Lørvika eller Lørvik vil verka framand og forvirrande for alle, heiter det i ein uttale.
Klar tale kjem det også frå Ystebø på Sletta. Hald på dette namnet og ikkje skriv Ytstebø. Ystebø er skrivemåten så langt tilbake som i utskiftingsprotokollen frå 1877, vert det vist til.
Rådmann Leif Taule har liten sans for at namnekonsulentane finn historiske argument for å vedta gamaldagse namn. Det vert namn som ingen vil verken vedkjenna seg eller bruka.Eit vanleg syn er at namn er ein lokal eller nesten privat eigedom, peikar rådmannen på.
Saka skal opp til politisk behandling i formannskapet fredag.