Rasar mot rekkehus

? Då me kjøpte tomt her, var det klart lova frå utbyggjaren at dette berre skulle vert eit felt med einebustader, seier Berit Kolltveit.

Både ho og resten av velforeninga er sterkt mot at det kjem rekkjehus på ei ledig tomt.

? Frå dei som bur nærmast den aktuelle tomta, kjem det truleg eigne protestskriv, opplyser Kolltveit. Ho reknar med at proTestane må takast opp politisk, avdi det er snakk om dispensasjon frå reguleringsplanen.

Velforeninga har fått varsel om at advokat Anders Folkman har søkt om dispensasjon frå reguleringsplanen. Planen er å føra opp ein tremannsbustad i rekkje.

Reint einebustadfelt»

«Då me kjøpte tomtene våre i feltet, vart det opplyst frå Harald Skarpenes at dette var eit reint einebustadfelt. Dette ønskjer me ikkje å endra på no», skriv velforeininga i brevet til kommunen.

«Dersom folk i feltet hadde ønskt å bu i eit felt med fleirmannsbustader på alle kantar, så hadde me neppe flytta langt ut på landet, skriv leiaren i Heiane vel, Morten Casper Birkeland.

Han underteiknar brevet med ei formulering som er tydeleg nok overfor kommunen sine folk:

 «På forhånd forbanna».

Dersom det vert gjeve dispensasjon for rekkehuset, fryktar velforeninga at dei som bur i feltet, ikkje vil stoppa særleg lenge.

Fryktar lågare verdi

Formannen viser også til at det er på gang ein annan søknad om dispensasjon. Ein tomteeigar skal ha ønskje om å oppføra to tomannsbustader på ei av tomtene. Dersom ein slik byggjesøknad kjem til kommunen, vil velforeininga gå sterkt mot den også, vert det varsla.

Det vert presisert at klagen er på prinsippielt grunnlag. Bebuarane har kjøpt etter måten store tomter med passeleg avstand mellom husa. «Me ønskjer ikkje ein større tetthet, auka trafikk og større gjennomtrekk og som ein konsekvens av dette lågare verdi på husa», heiter det vidare i brevet.