Reagerer på vegstandarden

Jensen var i går i regionen i samband med Radøy Frp sitt 10-årsjubileum fredag kveld.
Espeland ? Herland ligg langs hovudfartsåra frå Mongstad, og staten tener over 900 millionar kroner årleg berre i avgifter på drivstoffet som vert frakta over denne vegstrekninga.

? Heilt feil
? Det vert heilt feil at kommunen og næringslivet må forskottera denne tunnelen, når det er staten som er den største profitøren på transporten på vegstrekninga, sa Jensen.
At det no også manglar 30 millionar kroner til den nye tunnelen, reknar ho med at partikollega og representant frå Nordhordland, Gjermund Hagesæter, tek opp med samferdsleministeren.

Imot bompengar
Frp er imot bompengar og meiner staten bør betala for vegane.
? Anten får ein dekka dette over vegavgiftene, eller så får ein dekka det over bompengar. Ein kan ikkje gjera det på begge måtar, slik som no, seier Jensen.
I Frp-styrte Os har dei no søkt om eit bompengeprosjekt.
? Får Os-ordførar Terje Søviknes kjeft no?
? Nei. Eg forstår at Frp sine ordførarar og lokalpolitikarar vert utsette for eit stort press både frå næringslivet og innbyggjarane sine. Eg har stor forståing for det dilemmaet dei opplever, seier Jensen, som lovar kraftig oppjustering av investeringane i vegar dersom Frp kjem til makta. Ho har inga tru på at auka vegsatsing kan føre til inflasjon. I tillegg til jubileet til Radøy Frp på kvelden, var Jensen på besøk hjå Statoil Mongstad, og deltok på ein rundebordskonferanse i Radøy kommunehus på ettermiddagen. Partiet gjev full stønad til planane om å etablera eit kraftvarmeverk på Mongstad, og stør også å oppretta oljeverndepotet på Fedje igjen.