Regjeringa snur og vil vurdera heving av U-864

Fiskeriminister Helga Pedersen opplyser til NRK at ho har stoppa prosessen med tildekking, der departementet tidlegare har bede om anbod på å dekka til vraket.
I ei høyring i Stortinget måndag ettermiddag, gjorde det hollandske bergingsselskapet Smit Salvage greie for at vraket etter deira meining kan hevast på ein sikker måte.
? Eg fekk meldinga for eit par timar sidan, om at fiskeriministeren vil gå ut på Dagsrevyen i kveld, seier Marie Karlsen til Strilen like etter klokka 18.00 tysdag. Karlsen, som sjølv er Ap-kvinne, unngår å opplysa om kven som har gjeve henne meldinga.
? Føler du at det no går mot ei heving?
? Det er for tidleg å kvila ved den tanken. Men dette er det mest positive som har skjedd så langt.
? Er det fylkesleiarane i Ap sitt krav om å vurdera heving som har spela inn?
? Ja, eg trur både det og den faglege kompetansen som uttalte seg for ei heving under høyringa i Stortinget må ha medverka, seier Marie Karlsen.