Ripa opp Eivindvik-kross

Politiet ser på dette som eit grovt skadeverk, og går no ut til publikum og ber om tips.
Steinkrossen er sannsynlegvis reist på slutten av vikingtida eller tidleg i middelalderen. Det vart på denne tida drive eit aktiv kristningsarbeid i Noreg, og enkelte meiner at det kan vera Håkon den Gode som har reist krossen i Eivindvik, i samband med Gulatinget.
I kring tusen år har krossen fått stå i fred, og det største trugsmålet var inntil nyleg lavvekst på krossen. For å hindra ytterlegare vekst av lav vart krossen i oktober pakka inn i plast, men berre eit par månader  gjekk før nokon reiv av denne plasten.
Politiet ser det som sannsynleg at ripene i krossen har kome i samband med at plasten vart riven av, til dømes ved at noko har nytta ein skarp gjenstand for å skjera av plasten.
? Politiet har grunn til å tru at skadeverket har funne stad i løpet av den andre helga i desember, fredag 8. til søndag 10. desember, opplyser politibetjent i Gulen Paul Henriksen.
Henriksen ber no dei som må ha opplysningar i saka om å ta kontakt med politiet i Gulen.