Romfartsjente frå Alversund

? Det vert grådig gøy å reisa dit, seier Therese Miljeteig.
8. klassingen er dagleg inne på nettet og les om dei siste hendingane i den amerikanske romfartsorganisasjonen Nasa sitt program. Og så sant ho kan, skriv ho om romfart i oppgåvene på skulen.
? Slik plukkar eg opp mykje engelsk også, seier ho.
Så når familien denne sommaren legg ferien til Orlando i USA, er romfartssenteret på Cape Canaveral eit sjølvsagt mål.
 
Oppskyting
Opphavleg skulle Nasa ha sendt opp ei romferje tidlegare i år, men den oppskytinga vart utsett på grunn av dårleg ver.
? No ser det ut for at det vert minst to oppskytingar av romferjer før nyttår, kanskje tre.
Men på grunn av utsettinga vert det ikkje romferjeoppskyting medan Miljeteig er i USA. I staden skal det ei ferje opp 8. juni, det er STS-117 «Atlantis». Men Alversund-jenta kan få med seg oppskytinga av raketten «Dawn», som etter planen skal skytast opp 30. juni. Raketten skal sjå nærare på protoplanetane Vesta og Ceres.
? «Dawn» skal ta bilete og senda tilbake til jorda, seier Miljeteig.
Faktisk vert ho på sett og vis med opp saman med «Dawn» på raketten si reise opp til protoplanetane. Therese er nemleg ein av mange som har sendt namnet sitt til NASA, som så har samla alle innsendte namn på ei lita mikrobrikken montert i «Dawn».
 
Gjerne romturist
Den store draumen er eigentleg ikkje å verta astronaut, sjølv om ho er veldig interessert i romfart. No er planen å studera jus, når den tid kjem. Men ein tur i rommet hadde Miljeteig ikkje sagt nei til.
? Hadde eg hatt 25 millionar dollar så skulle eg gjerne ha reist. Men budsjettet mitt heldt berre til ein pakketur til Danmark, seier ho med eit smil.
Det er den russiske romfartsorganisasjonen som ved fleire tilfelle har teke med seg «romturistar», folk som har betalt klekkelig for å få vera med opp i rommet.
 
Studerer månen
Eit skikkeleg teleskop har dei også i huset, slik at månen kan studerast.
? Det er fascinerande sjå på månen, og tenkja på at folk gjekk der oppe i 1969.
Men teleskopet er ikkje bruk på denne tida av året. Skal Miljeteig sjå på månen, må det vera vinter.
? Det må vera mørkare ute enn det er no, seier Therese Miljeteig.
 
Fakta:
Om du vil læra meir om romfart kan du lesa på nettsidene til Norsk Astronautisk Forening (NAF): www.romfart.no, eller på nettsidene til Nasa: www.nasa.gov.