Runar har skote to fulle hus

15 år gamle Runar Lie Berge er med på sitt første landsskyttarstemne. Men det skulle ein ikkje tru etter innsatsen, for han skaut fullt hus, 250 poeng, i baneskytinga. Og på felten hadde han 30 treff og 27 innerblinkar.
? Eg er nok litt overraska sjølv og, seier Runar, som skyt for Seim skyttarlag.
I dag, fredag, skal han ut i finale i feltskyting, og baneskyting i morgon Han  trur kanskje han har størst sjansar i feltskytinga, men å vinna vert vanskeleg. I feltskytinga er det tolv skot i finalen, og står to eller fleire likt, vert det omskyting. I klassen Eldre rekrutt, som Runar skyt i, er det ganske mange med 30 treff frå den innleiande skytinga.

Tvilling
Runar er tvilling, og broren Bjørnar er også med på landsskyttarstemnet, Han har også skote godt: 29 treff i feltskytinga og 248 poeng i baneskytinga.
? Stundom er eg best og stundom han. Det vekslar,  fortel Runar.
Begge har drive med skyting sidan dei var elleve.
I går, torsdag, var Runar med på Hordaland skyttarsamlag sitt lag i samlagskytinga. Det gjekk ikkje så bra, sjølv om han skaut 99 poeng. Laget samla nådde ikkje heilt opp i konkurransen og vart nummer 36.
? Korleis trur du det går i finalane. Klarar du å halda orden på nevene?
? Eg håpar på det, seier den nøkterne ungguten.