Sara Rebekka til topps i "Råskinnet"

Sara Rebekka Færø (fødd 1982) gjekk stad og vann klasse kvinner 23-28 år i det knalltøffe terreng- og naturløpet. Med tida 55.33 var ho nesten fem minutt føre nummer to, og hadde femte beste tid av alle kvinnene som deltok. Sara Rebekka leverte eit sterkt løp og var heilt suveren mellom dei 23 deltakarane i sin klasse. Råskinnet-løypa er om lag 8 kilometer lang. Bertine Helene Færø (fødd 1992) vart nummer tre i klasse jenter 15-16 år i Råtassen, som er ei kortare utgåve av Råskinnet. Bertine Helene var berre to sekund frå andreplassen i klassen sin, i den vel 2,5 kilometer lange løypa. Løypene går ved Sognsvann i Oslo, på sti og i gjørme, forutan ein del der deltakarene må springa med vatn til livet ute i Sognsvann.

Stanley Hauge
Eikanger idrettslag