Satsar på tildekking av U-864

Grunngjevinga for å dekka til vraket og ikkje heva det, er at dette ifølgje Kystverket totalt sett medfører mindre risiko. Kystverket informerte om si tilråding på ein pressekonferanse i Bergen tysdag. Det vert også lagt vekt på økonomi og kva som er teknisk mogeleg.
Miljøvernforbundet med Kurt Oddekalv i spissen protesterte kraftig på at U864 ikkje skal hevast. Heller ikkje Fedje-ordførar Erling Walderhaug skjul på at han håpar at vraket vert heva og fjerna.
Frå Kystverket si side vart det vist til at ei slik løysing inneber at vraket måtte hevast til 20 meter under overflata, for så å verta slept inn i smulare vatn. Dette er ein operasjon Kystverket vurderer som svært risikabel.
Tilrådinga frå Kystverket går no vidare til Fiskeridepartementet for endeleg avgjerd. Dersom avgjerda må takast før statsråd Helga Pedersen er tilbake frå mamma-persmisjon, vert det gjort av setjestatsråd.
Kystverket si leiing viste elles til at den store aktiviteten i oljesektoren gjer at det kan by på problem å få aktuelle firma til å ta ein tildekkingsjobb i 2007. Tipset er at ei tildekking, dersom dette vert løysinga, ikkje kan skje før i 2008.