Seimar med verdssensasjon

Oppfinnaren sjølv har god tru på det.
Med på laget har Ertvaag fått kjendiskokken Erling Sundal, han som Rema 1000 nyttar til å marknadsføra middagsmat som kan lagast for under hundrelappen. Sundal har tent skikkelig på hakkereiskapen «Hackit», til liks med andre som er lei av å hakka opp kjøtdeig eller farse med ei skei eller ein steikespade.

Ide frå 2005
Vegard Ertvaag, maskinist av utdanning, fekk ideen til kjøtdeighakkaren ein gong i 2005 medan han stod og steikte kjøtdeig.
Han kom då til at det var altfor tidkrevjande og lite effektivt å stå og stikka i deigen med ein eller annen steikereiskap. Det var heller ikkje så lett å få eit godt resultat. Bitane vart gjerne litt for ulike, og steikinga ujamn, slik at nokre stykke fekk eit skorpelag.
Etter å ha tenkt litt laga Ertvaag til eit par tidlege prototypar ved hjelp av eit kosteskaft og teflonstang med hakkeblad på enden vend ut i stjerneform som han skar til av teflonen med ein vinkelslipar.

Lang prosess
– Frå eg kom opp med desse første versjonane, har det vore ein lang og omfattande prosess med å komma fram til eit mest muleg hendig resultat som skal tilfredsstilla ei lang rekkje krav. Eg tok med meg hakkaren til Stavanger der eg trefte industridesignaren Hans Kotthaus, og mellom oss har det vore eit veldig godt samarbeid. Eg hadde aldri kome i mål med produktutviklinga utan å kunna trekkja på kapasiteten hans.
Ertvaag fortel at det er mange omsyn å ta når ein skal laga til ein slik reiskap for masseproduksjon. Ein skal komma fram til ein best muleg design for at reiskapen skal vera funksjonell og tiltalande. Då handlar det om mykje teiknearbeid og berekningar i høve til storleik, materiale og fargar, og ikkje minst er det viktig at gjenstanden er mest muleg enkel å produsera.

Heile saka finn du i Strilen si papir eller PDF-avis.