Ser fram til ny barneskule

? Meldinga få politikarane er at me får 24 millionar kroner til ny skule i første runde, kanskje 15 millionar ekstra i neste runde, seier ein glad rektor Øystein Vik.
Dermed kan dei yngste elevane ved skulen sjå fram til både nye klasserom og ny gymsal.
Og på lærarrommet var det minst like stor jubel, med både kake og skåling i sjampanjebrus. Det skaffa rektor kjapt frå Knarvik etter å ha fått den gledeleg meldinga fredag morgon.

To år med hørselvern
? Jubel for to år med hørselvern! kjem det frå ein av dei kvinnelege lærarane. Dei utgjer det solide fleirtalet mot herrane Vik og Håvard Giezendanner.
Dagens skule var ny i 1961, med innflyttingsfest i juni det året. No håpar dei som jobbar på skulen på ny skule til hausten 2008.
? Det er den meldinga me har fått, seier Vik. Men han kan ikkje svara presist når Olaug Rykkje Hopland spør om også den gamle delen av skulen skal brukast.
Korleis den nye skulen skal verta, er rektor og dei andre klar til å vera med å planleggja.
Dagens klasserom er på kring 48 rutemeter. Og når 4. og 5. klassen er i lag, må ein av 24 elevar sitja ved kateteret. Draumen er nye klasserom på 60 rutemeter.

Trongt
Trongt om plassen er det også der lærarane har sine arbeidsplassar. Mangeårig lærar Ragnhild Kvamme viser båsar der bøker og anna står stabla oppover mot taket. I det vesle og opne landskapet må lærarane  sitja rygg mot rygg.
? Me besteller herved kontor med sjøutsikt! er blant krava me noterer etter at lærarane har fått i seg marsipankake og eit par glas sjampanjebrus.
Ny gymnastikksal med ei breid og god scena er eit av rektor Vik sine favoritt-ønskje.

Litt reserverte
Ute på skuleplassen er det fort gjort å samla 2. og 3. klassingar som er glade for meldinga om utbygging. Blant ein flokk med 6. klassingar er stemninga litt mei reservert.
Dei har fått med seg at kommunestyret vil ha dei til Ostereidet ungdomsskule Alle me snakka med, gjorde det klart at dei helst vil til Knarvik som no. Dei forstår også at foreldra skal få uttala seg til flyttevedtaket torsdag.
? Og kva om foreldra seier nei til at me skal til Ostereidet? spør ein gut og prøver å bora augene inn i Strilen sin utsende. Utan å få anna svar enn at det politikarane vurdera.