SFT godtek rapport

«Redgjørselsen gir ingen holdepunkter for at det var last frå Probo Emu som brant under eksplosjonen 24. mai», heiter det i pressemeldinga som SFT la ut på nettet i dag, tysdag, klokka 14.00.
SFT har også gjort eigne prøvar i Sløvåg som underbyggjer at avfall frå dette skipet ikkje vart spreidd under eksplosjonen. Resultatet av desse prøvane vart klare i dag.

Ikkje brot
SFT konkluderer difor med at etter at dei har gjennomgått alt tilgjengeleg materiale ikkje har haldepunkt for å seia at Vest Tank har brote regelverket for import og eksport av avfall. Det har vore hevda at dette skjedde då Vest Tank tok mot vaskevatn frå reingjering av tankane på Probo Emu i oktober i fjor.

Gledeleg
? Konklusjonen til SFT er svært gledeleg. Det fjernar ein del unødig engstelse når det gjeld kva som vart spreidd under brannen, seier ordførar Trude Brosvik til Strilen.
Frykta for at farleg stoff frå Probo Emu vart spreidd under brannen, har gjort mange i nærområdet redde. Brosvik set sin lit til at denne sida av saka no skal vera ute av verda.

Møte
I morgon, onsdag, skal det vera eit møte mellom kommuneleiinga i Gulen og Folkehelseinstituettet. Der skal ein gå gjennom det som har kome fram av prøveresulatt til no og halda det saman med dei helseplagene folk har hatt. Ut frå dette vil ein prøva å danna seg eit bilde av kva helseplagene kan skuldast, og kva som skal gjerast vidare, seier Brosvik.

Nye prøvar
I morgon vil det også verta teke nye prøvar i Sløvåg. Denne gongen skal ein ta prøvar ute i terrenget rundt anlegget for å finna ut kva som er har vorte spreidd ved eksplosjonen og den etterfølgjande brannen.