Sinne mot nye luktskyer

«Ingen av dei prøveresultata ein har fått til no, gjev grunn til uro», er ordlyden i ei pressemelding utlagt på Gulen kommune si heimeside ved 13.00-tida i går. Meldinga er underskriven av ordførar Trude Brosvik og rådgjevar Aud Gunn Løklingholm.
? Me må berre avventa nye resultat før me kan gå ut med bastante konklusjonar, seier kommunelege Tommy Normann. Han skulle i går undersøkja tilsette ved både Halsvik Wergeland og Baker Oil, etter tidlegare å ha undersøkt tilsette i Vest Tank.
Onsdag kom det ei ny luktsky frå Vest Tank som i følgje Normann gjorde fleire sjuke.
Når Normann får spørsmål om kreftframkallande stoff, er han forsiktig med å kommentera.
? Om det er slike stoff, er dei så langt påvist i uhyre små mengder, seier Normann.
? Me beklagar sjølvsagt luktproblem og at folk vert kvalme. Men så langt er det ikkje påvist noko som gjev grunn til å rekna med langtidsverknader, seier rådmann Harald Haugejorden ved 13-tida i går til Strilen.
Der vert det vist tol at SFT har gjeve Vest tank løyve til opprydding og fjerning av massar etter eksplosjonen. Arbeidet vil gje auka luktplager medan det pågår, men det er venta at fjerninga av massar ville vera fullført i løpet av gårsdagen.
Det er påvist to typar dioksin i ein privat brønn. Dioksin kan i visse mengder vera krefframkallande.
Gulen kommune reknar ikkje med at dette innhaldet av disoksin i denne brønnen skuldast erksplosjonen ved Vest Tank. Dei påviste verdiane er svært låge, går det fram av pressemeldinga.
Både kommunen og Vest Tank har tatt mange prøvar av både drikkevatn, gassutslepp og slam frå tankgarden.
Rådet frå Folkehelseinstituttet er å avventa prøveresultat før ein eventuelt set inn tiltak.
For nokre prøvar som gjeld svovelsambindingar og løysemiddel, vil analyseresultata først vera klare i neste veke.

Plager også på
Hosteland i går
MASFJORDEN: Fredag ettermiddag  får Strilen melding om sterk luktplage også på Hosteland i Masfjorden.
? Lukta kom ved åtte-tida fredag morgon, og ho er forferdeleg. No må det snart verta slutt på dette! seier Åse Tyse Dåe Midtbø, som jobbar i barnehagen. Lukta kom inn via ventilasjonssystemet, sjølv om både dører og vindauge vart stengde.