Sjefs-kutt i Lindås vert vurdert juridisk

På grunn av mange møte har Søvik vore vanskeleg å få tak i både før og etter helga. Han tilbakeviser Utdanningsforbundet sine påstandar om ulovlege endringar. Han har sendt si løysing til Fylkesmannen for vurdering, slik utdanningsdirektør Kjellbjørg Lunde har bede om. Lunde kan ikkje minnast at nokon kommune i Hordaland har gjort så store organisatoriske endringar innan skule og barnehage utan politisk behandling. ? Men eg seier ikkje at det ikkje kan gjerast, seier Lunde.

Tilbakeviser kritikk
? Eg har hatt samtale med alle 14 rektorane, men ikkje med Laila Rydland i Utdanningsforbudet, som blant ann skriv eit kritisk innlegg i Strilen tysdag. Ho er ikkje ein del av omorganiseringa, og det er dei eg må forhalda meg til seier Søvik.
Han legg ikkje skjul på at han reagerer på påstandar om endringar som ikkje er i tråd med lovverket.
? Det vert såvisst ikkje gjort noko ulovleg. Kritikken er veldig einsidig frå Utdanningsforbundet. Resten av dei tillitsvalde meiner ikkje det er snakk om ulovlege endringar. Eg føler sjølv at eg har ein grei dialog med dei som er involverte i prosessen. Dette er endringar som vert gjort mange stader i landet. Men i Lindås har det ikkje vore gjort slike endringar på lenge, seier Søvik.
Rådmannen seier at rektorane har frist til 2. oktober med å melda si interesse for dei seks leiarjobbane. Innan 20. oktober er planen at prosessen skal vera ferdig, med tilsetjing i alle dei kring 20 avdelingsleiarstillingane, mot tidlegare kring 50.

Vert kontrollert juridisk
? At me las i lokapressa om dei store endringane rådmannen la opp til, medverka til at me 6. september sende eit brev til kommunen der me bad om ei orientering, seier utdanningsdirektør Lunde.
Brevet vart stempla ikkje offentleg i Lindås kommune, men Søvik seier at han ikkje kjenner til kvifor det vart gjort. Han har 20. september sendt ei tilbakemelding om kva omorganisering som vert gjennomført.
? Det rådmannen legg opp, til vil ein jurist hjå oss gå nøye gjennom i høve til blant anna opplæringslova, seier Kjellbjørg Lunde.
Ho viser til at lova brukar formuleringa «forsvarleg» drift av skular og barnehagar, ei formulering som opnar for skjønsmessig vurdering.
?Men lova siere ikkje at det nødvendigvis skal vera ein rektor eller ein leiar for kvar skule og kvar barnehage. Såvidt e kan sjå har ingen kommunar i Hordaland gjennomført så store organisatoriske endringar utan politisk behandling. Men Fylkesmannen vil ikkje førehandsprosedera ei sak. Me er ein ankeinstans og skal først og fremst kontrollera dei vedtak kommunen gjer, seier Lunde.
Som eit døme viser ho til at Fylkesmannen skal godkjenna tildeling av vaksenopplæringsmidlar til kommunane. ? Det er ei langt mindre sak enn dette, og der utbetalingane skjer basert på godkjenning av politiske vedtak, seier Lunde.