Sjokkert over Lindås kommune

Dette går fram av ei melding frå forbundet.
? Fylkesmannen er ein institusjon for statleg tilsyn og ikkje ein tilfeldig og vanskeleg einskildperson som synsar frå eit kontor i Bergen, seier leiar i grunnskuleseksjonen i Utdanningsforbundet Hordaland, Trond Hofvind.
I meldinga frå forbundet heiter det at rådmannen i Lindås gjev inntrykk av å ikkje ta utgreiinga og vedtaket frå Fylkesmannen på alvor. Politikarane i Lindås må gripa inn. Elles vil det verta endå større skade for elevar, tilsette og for kommunen sitt omdøme, heiter det i meldinga.
Forbundet meiner at Søvik syner grenselaus arroganse og respektløyse i eit intervju i BT. Dei siktar då mellom anna til uttalen frå rådmannen om at Fylkesmannen er «meir katolsk enn paven». Dei er og kritisk til uttalar frå ordførar Tove Linnea Brandvik.