Sjømannsmisjonen i hardt vêr

– Det er snakk om å slepa båten inn til Fonnes, opplyser Tor Kåre Nilsen til Strilen om lag klokka 11.45.

Men ved Hovedredningssentralen på Sola fekk Strilen like etter opplyst at taubåten Baut frå Mongstad hadde gått ut og flått slep om bord, og båten var på veg mot land. Også losbåten og redningsskøyta Utvær var engasjert i aksjonen, som vart leia frå Trafikkstasjonen på Fedje.

– Det er eit mannskap på fire om bord i Elieser 6, og ingen personar skal ha kome til skade, får Strilen opplyst ved Hovedredningssentralen.

Kva som var årsaka til motorproblem, har Strilen så langt ikkje fått opplyst.

Det bles kraftig i området.

Det er Den Indre Sjømannsmisjon som driv betelskipet.

Betelskipet seglar langs kysten heile året, og blir brukt som flytande fiskarheim/velferdsstasjon, møtebåt, eller til andre arrangement. Ifølgje reiseruta til båten, var han no på veg til Sogn og Fjordane.