Skal det vera ein ubåt?

Årsaka til at ubåten gis vekk gratis, er ifølgje annonsen at han ligg litt «i vegen» der ute.

Morgan Waage som rykte inn annonsen, skriv at den nye eigaren må vera forsiktig når han tek han opp, på grunn av torpedoar og kvikksølv og slikt.

1600 treff

Båten er brukt og har ein del fuktskadar innvendig, men er eit greitt restaureringsprosjekt, skriv han.

Waage la ut annonsen på finn seint søndag kveld, og alt måndag føremiddag hadde nesten 1600 vore inne og sett på annonsen via Facebook-sida hans.

– Det er ingen som har sagt dei vil ha han, men eg har fått ein del kommentarar på at folk synest det var eit morosamt stunt, seier han.

Bruktkupp

Han fortel at Finn.no avviste annonsen, men at ho ligg der og kan lesast via linken hans.

Først lurte han på å leggja båten ut «mitt oppdrag», men enda opp med finn.no.

– Poenget er å halda saka varm, og ein må kunna ha litt galgenhumor oppi alvoret, meiner Waage.

I likskap med resten av fedjingane begynner han å bli litt lei heile saka og tenkte dette kunne vera ein litt ny vri.

Om båten skriv Waage at namnet er «U 864» og at båten er ein tysk undervassbåt av Typ IXD2-klassen.

Han vart påbegynt 15. oktober 1942 ved Deutsche Schiff und Maschinenbau i Bremen, og var operativ frå 9. desember 1943.

Ubåten lukkast aldri å senka noko alliert fartøy.