Skal få fart på Masfjorden

Mæsel er oppvaksen i Porsgrunn, men har budd dei sju siste åra i Bergen. Det gjer ho framleis saman med sin bergenske sambuar, men ho har også hybel attmed sjukeheimen på Sandnes. Nokon tilknyting til Masfjorden har ho ikkje, men det betyr ikkje at ho ikkje hadde kjennskap til kommunen. Mæsel er nemleg utdanna samfunnsgeograf med økonomisk geografi og fokus på regional utvikling som spesialfelt. I tillegg har ho etterutdanna seg innan planlegging.

Godt mottatt
Mæsel tok til i jobben 3. oktober og fortel at ho har vorte svært godt mottatt. Blant anna har ho vore på «fjordcruise» med Mary Hope på kommunen.
? Det er jo heilt nydeleg her inne, så sånn sett hadde eg ikkje hatt noko imot å bu her. Men nett no er det med meg som mange andre, at eg har ein sambuar med jobb i Bergen. Difor må me rett og slett sjå det over tid, seier ho.

Kartlegg
Frå ho kom, har ho jobba med kartlegging av store delar av næringslivet i kommunen. No står oppretting av eit næringsforum og kartlegging av frivillige organisasjonar og andre aktørar for tur.
? Skal me få ungdomane til å busetja seg her eller lokka andre hit, må me først og fremst visa dei kva moglegheiter her er i kommunen. Deretter må me leggja tilrette for bustadbygging og andre ting dei måtte ønskja seg, seier ho.
I første omgang er Mæsel tilsett i ei seks månaders prosjektstilling. Men håpet er  sjølvsagt at ho får bli lenger.
?  Dersom stillinga ikkje vert forlenga, vil arbeidet mitt kunna vera ei rettesnor for det vidare arbeidet der andre kan ta stafettpinnen, seier ho.