Skåla for ny tunnel

Ordførar Tove Linnea Brandvik fekk æra av å tykkja på knappen som utløyste salva som gav gjennomslag i den 825 meter lange tunnelen mellom Espeland og Herland på Rv 57.
? Det gjekk fint, sjølv om eg vanlegvis ikkje torer senda opp eit fyrverkeri ein gong, sa ordføraren etter at dei 300 kiloa med sprengstoff hadde gjort jobben sin.
Tunnelopninga på Espeland-sida hadde kome til syne, sjølv om den nesten var dekka av stein.
? Det gjekk heilt som me hadde planlagt, kunne skytebasen fortelja.

Grunn til å feira
Både ordførar, leiar i handverk- og industrilaget, Svein M. Nordvik og prosjektleiar Kjell Follesø i Statens vegvesen meinte det var grunn til å feira at dette viktige veganlegget ho har kome eitt seg vidare. Både næringslivet og Lindås kommune har forskottert pengar for å få anlegget realisert, sjølv om det til sjuande og sist er staten som skal betala.
? Arbeidet har gått framover jamt og trutt, og utan alvorlege uhell. Faktisk har me berre hatt ein personskade, og den var så liten at vedkomande ikkje vart sjukemeld, kunne Follesø fortelja før salva vart avfyrt.

Litt forseinka
Veganlegget har tidlegare vorte presentert som ei julegåve til innbyggjarane i Nordhordland. Slik går det nok ikkje.
? Me reknar med å sleppa trafikken på litt utpå nyåret neste år, seier Follesø til Strilen.
Ein har møtt på litt problem når det gjeld fjellet inne i tunnelen, men ikkje verre enn at ein skal greia å takla dei.
Totalt vil anlegget kosta rundt 145 millionar kroner og fjerna ein skikkeleg flaskehals på Rv 57. Næringslivet har forskottert 60 millionar og Lindås kommune ti millionar.
Samla veglengd er om lag to kilometer. Det er Kruse Smith Entreprenør AS som er hovudentreprenør, men dei har leigt inn ei rekkje underentreprenørar.