Skjelvik inviterer til Radøy

Radøy/Manger vann siste seriekamp 4 - 3 borte mot Arna-Bjørnar, og enda med det på 3. plass i serien i år. Dette er trenar Terje Skjelvik godt nøgd med. Plasseringa er betre enn Skjelvik frykta tidleg i vår.

Godt for utviklinga
? Eg håpar at spelarar frå andre lag i regionen, som vil prøva seg lengre oppe i divisjonane, tek kontakt, seier Skjelvik.
Han meiner det betyr mykje for utviklinga, særleg for unge spelarar, at dei får prøva seg på eit så godt lag som mogleg. Når det gjeld den eksisterande stallen i Radøy/Manger, meiner han det er mange unge spelarar som i år har utvikla seg til 3. divisjonsnivå, eller er i ferd med å nærma seg dette nivået. Samstundes meiner han det er viktig at dei etablerte spelarane er med og set standarden for dei unge. Så langt har han ikkje fått klare meldingar frå etablerte spelarar på laget at dei vil gje seg.
? Kva med deg?
? Slik det ser ut no, ønskjer eg å halda fram som trenar neste år, seier Skjelvik.

Svak start
Kampen mot Arna-Bjørnar laurdag starta dårleg for Radøy/Manger dei første 25 minuttane, meiner Skjelvik. Trass i dette var det Radøy/Manger som tok leiinga ved Jarle Sylta etter ein halvtimes spel. Laget heva seg deretter ein god del, og auka leiinga til 2 ? 0 like før pause.
? Christer Smith heada ballen ut til Ronny Thomassen som sette ballen sikkert i hjørnet. Ei veldig flott skåring, fortel Skjelvik.

To straffe
? I starten av andre omgang står me og søv i ti minutt, fortel Skjelvik.
I denne perioden skårar Arna-Bjørnar to gonger. Første målet kjem etter at radøyspelarar står og diskuterer eit frispark med dommaren. Heimelaget tek frisparket raskt, gjestane kjem seg ikkje på plassane sine og dermed vert det skåring. Det andre målet kjem etter at ein Arna-Bjørna-spelar står 15 meter i offside. Radøyspelarane stoppar opp og ventar på fløyta, men Arna-Bjørnar-spelaren viser ikkje interesse for ballen og ein anna spelar frå heimelaget spring i gjennom og utliknar. 2 ? 2. Christer Smith vert så felt innanfor 16-meteren, og Jarle Sylta skårar sikkert på straffesparket. Heimelaget utliknar fem minutt før slutt, før radværingane får eit nytt straffespark eit par minutt før full tid. Sylta set også dette straffesparket sikkert i mål, og Radøy/Manger vinn kampen 4 ? 3.

Skaden til Daniel Waage er ikkje så alvorleg som ein kunne få inntrykk av i avisa førre veke. Korsbanda har ikkje roke, og Waage skal alt ha lagt frå seg krykkene, fortel Skjelvik.