Skogbrann stogga nær hytte

? Det var ein del snø på plenen, så hytta var vel eigentleg ikkje truga, opplyste vakthavande befal Terje Fauske i Lindås og Meland brannvern kl. 17.10 tysdag.
Flammane hadde då vorte stoppa kring 12-15 meter frå hytteveggen.
Etter at alarmen gjekk ved 16.25-tida, var skogbrannen under kontroll like før kl. 17.00. 12-15 av dei vakthavande mannskapa hadde rykt ut til brannen, som oppstod i terrenget nord for Hilland Vest.
Ved 17.00-tida kunne brannvesenet sine folk ikkje uttala som om korleis brannen hadde oppstått. Fleire mål lyng, einer og småskog var svidd av før brannen var sløkt.
? Me hadde folk ved stasjonen på Lindås i beredskap av di brannen såg ut til å kunna utvikla seg og koma ut or kontroll. Men det vart ikkje behov for å kalla inn ekstra styrkar, seier Fauske.
Han nyttar sjansen til å åtvara folk både mot sviing av gras og bråtebrenning. Grunnen er at langvarig tørke har gjort det svært tørt på våre kantar.




BRANN: Her er Hilde Midtun i arbeid med ettersløkking. (Foto: Hans Egil Storheim)