Skulemann innstillt som Radøy-rådmann

Fotland er busett på Ikenberget i Alversund, der han flytta inn med kone og to born på 4 og 7 år i fjor vår.
Fotland er litt avventande når me ringjer, då han ikkje er tilsett enno, men berre innstilt. Men det er altså eit samrøystes formannskap som har innstilt han som ny Radøy-rådmann.
? Kvifor vil du verta rådmann?
? Eg har lenge hatt lyst til å leia ein stor organisasjon. Som oppvekstsjef i Åsane bydel fekk eg erfaring med denne typen arbeid. Eg likte godt jobben, mellom anna samarbeidet med politikarane, og eg kjende at eg sakna dette etter at bydelsadministrasjonane i Bergen vart nedlagde, seier Fotland.
Som oppvekstsjef hadde han ansvar for både skular, barnehagar, helsestasjonar med meir. Etter nedlegginga av bydelsadministrasjonane har han vore rektor ved Kyrkjekrinsen skole i Bergen.