Slik vert nye Sæbø skule!

? Me er godt nøgde med utforminga og fasadane, så der trur eg det vert få endringar, seier leiaren i plannemnda, John Bauge.
Etter møtet i nemnda i går, går saka vidare til formannskapet. Det same gjer konsulentane sin siste priskalkyle. På grunn av sjukdom kunne den ikkje leggjast fram på møtet i går.
? Det er ikkje til å leggja skjul på at me er spente på kostnaden. Ramma politikarane har gjeve er på 52,5 millionar kroner. Det er rekna ut frå erfaringstal på 20.000 kroner per rutemeter og 2600 rutemeter nybygg, seier Bauge.
Han håpar i det lengste at den oppheta byggjemarknaden ikkje vil slå ut i ekstra kostnader.
? I så fall må ein kanskje gå ein ekstra runde politisk. I første omgang vil formannskapet få forprosjektet på bordet og står fritt til å avgjera om det vert totalentreprise eller andre måtar å henta inn anbod på, seier Bauge.
Frå skulen si side er det uttrykt håp om at anleggsarbeidet kan koma i gang seint i år eller tidleg i 2008. I så fall kan nyeskulen vera klar til innflytting hausten 2009.